Kryeministri Edi Rama ishte në një konferencë për mediat, ku foli për sulmin në veri, Serbinë dhe Kosovën.
Ai ka folur me rezerva për homologun kosovar, Albin Kurti, duke u shprehur se “s’mund të jetë e gjithë bota gabim gjithmonë, ndërsa ai të ketë të drejtë”.
Rama theksoi edhe një herë faktin se Kosova sot ekziston falë SHBA-ve dhe BE-së.
“Pa BE dhe SHBA, Kosova s’do ekzistonte fare si shtet, si u bë Kosova shtet, kush e bëri, kush e njohu, kush e vendosi në tryezë zgjidhjen përfundimtare?”, u shpreh Rama.
Ai theksoi se Kosova sot ka shansin të marrë atë që ka kërkuar për shumë vite, e ka në tavolinë, ndërsa shtoi se “këtë që ndodhi e kam paralajmëruar me kohë kur kam thënë që mos lini të degradojë veriu i Kosovës në një arenë përplasjesh që të katandis në një Dinbas të vogël dhe prap thashë sot të njëjtën gjë, e përsëris mund të shkojë edhe më keq”.
“Kosova sot ka shansin të marrë atë që ka kërkuar për shumë vite, e ka në tavolinë, nuk heq dorë nga kjo, Këtë që ndodhi e kam paralajmëruar me kohë kur kam thënë që mos lini të degradojë veriu i Kosovës në një arenë përplasjesh që të katandis në një Dinbas të vogël dhe prapë thashë sot të njëjtën gjë, e përsëris mund të shkojë edhe më keq.
Disa duan të merren me, synimi strategjik kush është, nëse është që të merret në bisedime ajo që është dhe arritja e dytë historike e Kosovës mbas fitores së luftës, falë aleatëve dhe Ushtrisë Çlirimtare të Kosovës, atëherë ajo merren në tavolinë, merret me ata që ju i quani ndërkombëtarët që po i reziston Albin Kurti. A jeni në vete apo jo, a jeni në metro?”, u shpreh Rama./Opinion.al
