Kombëtarja e Kosovës nuk njeh humbje. “Dardanët” ditën e sotme kanë marrë një tjetër fitore të vlefshme për eliminatoret Euro 2020, duke mposhtur Çekinë me rezultatin 2-1.
Kosovarët morën një trepikësh të merituar në “Fadil Vokrri” duke kaluar kështu një sfidë mjaftë të rëndësishme për kualifikueset e Europianit.
Fillimi i ndeshjes e kapi në befasi Kosovën, me miqtë që kaluan në avantazh të parët me Schick në minutën 16, por ky avantazh zgjati shumë pak. Pas një aksioni në krahun e majtë Kosova vendase barazoi shifrat me gjigandin e sulmit Vedat Muriqi në minutën e 20. Pjesa e parë e takimit u mbyll në barazim 1-1.
Me fillimin e pjesës së dytë, ekipi i Challendes tregoi se ishte i etur për fitore dhe ajo erdhi pikërisht në minutën e 67 të takimit pas një krosimi të zgjuar të Berishës në zonë dhe goditjes së saktë të mbrojtësit Vojvoda.
Më pas Kosova luajti në mbrojtje, por nuk munguan tentativat e çekëve por të barazuar, por nuk patën sukses. Ndeshje u mbyll me rezultatin 2-1, dukei dhënë trë pikë kombëtares së Kosovës. “Dardanët” ndodhen në vendin e parë të grupit A me 8 pikë të grumbulluara/ Opinion.al E.Xh.
