Kryeministri, Edi Rama në një postim në rrjetet sociale, bën me dije se po punohet me ritme të shpejta për plotësimin e Korridorit 8. Kreu i qeverisë thotë së kanë nisur punimet edhe në Lotin 2 për zgjerimin e rrugës Elbasan-Qafë Thanë.
Teksa publikon foto nga punimet, Rama shkruan se ky aks do të transformohet tërësisht dhe do të shkurtojë distancat me rreth 20 km duke u kthyer në një rrugë interurbane me katër korsi.
“Po punohet me ritme për plotësimin e Korridorit 8, ku kanë nisur punimet edhe në Lotin 2 për zgjerimin e rrugës Elbasan-Qafë Thanë. Ky aks do të transformohet tërësisht dhe do të shkurtojë distancat me rreth 20 km duke u kthyer në një rrugë interurbane me katër korsi. Po punohet gjithashtu me gërmimin, me sistemimin, shtrimin e rrugës brenda kantierit si edhe me përforcimin dhe betonimin e digës lumore”, shkruan Rama në Facebook.
