Shpërthimi i rasteve me koronavirus në Itali ka ngritur shqetësimet se epidemia mund të vijë në Shqipëri.
Nëpërmjet një njoftimi në Facebook, ministri i Jashtëm në detyrë, Gent Cakaj ka njoftuar se sipas Ambasadës së Shqipërisë në Itali dhe konsullatave në Milano dhe Bari “nuk ka asnjë rast” të qytetarëve shqiptarë të prekur me koronavirus.
“Ne iu bëjmë thirrje qytetarëve shqiptarë në Itali dhe atyre që udhëtojnë për dhe nëpër Itali t’iu përmbahen masave të përcaktuara prej autoriteteve italiane në situatën e emergjencës”, shkruan më tej Cakaj.
Ndërkohë për situatën ka reaguar edhe kryeministri Rama i cili tha se për parandalimin e virusit po merren masat dhe i bëri apel qytetarëve të mos bien pre e lajmeve nga burime jo zyrtare. /Opinion.al
LEXO EDHE – Koronavirusi/ Rama: Jemi gati të përballemi…
