Teksa SHBA po përballet me një rritje të shifrave të të infektuarve, presidenti amerikan, Donald Trump ka anuluar konventën e Partisë Republikane, që do të organizohej në Florida.
Trump tha se nuk është koha e duhur për të mbajtur konventën, dhe se siguria vjen e para teksa shtoi se gjithsesi ka menduar për një formë tjetër të organizimit të saj.
Disa delegatë republikanë do të mblidhen në Karolinën e Veriut, që është edhe origjina e mbledhjes së konventave, përpara zgjedhjeve presidenciale.
Gjatë konventës që mbahet më 24 gusht, presidenti do të nominohet formalisht, si i përzgjedhuri i partisë së tij për ta përfaqësuar në zgjedhjet e nëntorit, për një mandat të dytë në krye të Shtëpisë së Bardhë.
Sakaq, shifrat e të infektuarve i tejkaluan 4 milionë të enjten, ndërsa numri i viktimave ka tejkaluar shifrën e 144 mijë personave./Opinion.al
