Numri i personave të prekur nga koronavirusi në Greqi sa vjen e rritet. Zëdhënësi i ministrisë së Shëndetësisë njoftoi sot se janë identifikuar edhe 7 raste të reja duke e çuar kështu në 73 totalin e të prekurve.
Ndërkaq qeveria e Athinës po ndërmerr masat për parandalimin e mëtejshëm të përhapjes së epidemisë.
Për momentin janë anuluar të gjitha konferencat në vend për një periudhë 4 javore. Gjithashtu janë pezulluar për 2 jave ekskursionet e të gjitha shkollave ndërsa po mendohet edhe për mbylljen e këtyre të fundit por ende jo në rang kombëtar. Për dy javë është anuluar edhe pjesëmarrja e tifozëve në aktivitetet sportive.
Mediat vendase shkruajnë se 47 nga 73 të prekurit i përkasin një grupi personash që kishin udhëtuar në Izrael dhe Egjipt.
Në Greqi nuk ka asnjë viktimë nga koronavirusi ndërsa një pacient që raportohet në gjendje të rëndë është nën kujdes intensiv. /Opinion.al
