Presidenti i Brazilit Jair Bolsonaro shkarkoi të enjten ministrin e tij të shëndetësisë Luiz Henriuq Mandetta, pas një serie mosmarrëveshjesh mbi përpjekjet e qeverisë për të përmirësuar situatën nga koronavirusi.
“Sapo dëgjova nga Presidenti Jair Bolsonaro lajmet për shkarkimin tim,” – postoi Luiz Henrique Mandetta në profilin e tij në Twitter.
Mandetta, mjek me profesion, fitoi mbështetjen e popullit pasi promovoi izolimin dhe distancimin social. Bolsonaro, nga ana e tij, duke e përkufizuar vazhdimisht virusin si një “grip të vogël”, tha se rënia ekonomike do të shkaktonte më shumë dëme dhe mbështeti efikasitetin – akoma të paprovuar- të një ilaçi kundër malaries.
Ashtu sikurse Fauci, Mandetta ka bërë deklarata publike përsa i përket koronavirusit, që binin në kundërshtim me ato të bëra nga eprori i tij, presidenti Bolsonaro. Pas një interviste publike ku Mandetta i bëri thirrje qytetarëve të karantinoheshin dhe të mbanin distancë sociale, në 5 prill, ai i tha nje grupi përkrahësish, se do të merrte masa të ndryshme nga ato të presidentit dhe e gjithë qeveria mendonte vetëm për interesat e tyre personale.
Ndërsa rritet shpejt, numri i rasteve të konfirmuara të koronavirusit në Brazil është ende relativisht i ulët në porcion me popullsinë masive të vendit prej 211 milion. Numri total i vdekjeve është 2,000.
Deri tani, vetëm San Paolo dhe Rio de Janeiro kanë nisur izolimin. Kryetari i bashkisë së San Paolos, Bruno Covas, është kundër qëndrimit të presidentit Bolsonaro dhe nga java e kaluar ka nisur izolimin e qytetit. Të hënën janë publikuar përqindjet e izolimeve të qyteteve. Vetëm 50 % e qytetit është izoluar deri të enjten.
Për të siguruar respektimin e karantinës, qeveria braziliane ka bërë marrëveshje me operatorët telefonikë si Vivo, Claro, TIM, për të marrë informacion në lidhje me vendndodhjen e qytetarëve. Kjo masë ka shkaktuar debate, pasi shumë brazilianë janë shprehur se diçka e tillë, konsiderohet si shkelje privatësie. / Opinion.al
