Bilanci i koronavirusit në Itali ka marrë prej ditësh përmasa të frikshme. Autoritetet fqinje raportuan se sot janë shënuar 97 viktima të tjera, duke e çuar kështu numrin total në 463 viktima, 7 985 të infektuar dhe 724 të shëruar.
Italia është tashmë zyrtarisht vendi i dytë me më shumë të infektuar me koronavirus. Ajo renditet menjëherë pas Kinës, vendi ku shpërtheu virusi i ri që sulmon rrugët e frymëmarrjes dhe ka 80735 raste të konstatura.
Megjithatë nga Italia fqinje vjen dhe një lajm i mirë. Pas 18 ditësh ankth, ‘pacienti 1’ është transferuar nga terapia intensive në atë më të lehtë, që do të thotë se ai tani mund të marrë frymë vetë pa nevojën e tubave.
38-vjeçari është rikuperuar në Pavia ndërsa gruaja e tij shtatzanë është kthyer në shtëpi disa ditë pasi ishte rikuperuar në një spital tjetër./Opinion.al
