Silvio Brusaferro, drejtuesi i Institutit të Shëndetësisë në Itali ka bërë të ditur se mosha mesatare e personave të cilët kanë humbur betejën me virusin vdekjeprurës është 80 vjeç.
Brusaferro shtoi se shumica e viktimave, konkretisht, 68 përqind e tyre janë meshkuj.
Po ashtu, Brusaferro ka theksuar se në bazë të të dhënave të 1500 kartelave klinike, 60% e tyre kanë pasur më shumë se 3 sëmundje të tjera.
Italia, deri tani ka regjistruar mbi 18 mijë viktima, duke qenë shteti më i goditur nga pandemia në rang botëror deri tani, sa i përket numrit të të vdekurve.
Megjithatë, prej ditësh, rastet e reja të personave të prekur kanë rënë dhe vendi ka dhënë shenja të një përmirësimi të ngadaltë por të qëndrueshëm./Opinion.al
