-Teknologji

Koronavirusi mund të qëndrojë në sipërfaqen e maskave ​​deri në një javë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:29 - 11/04/20 |
Opi Nion

Studiuesit nga universiteti i Hong Kong-ut shprehën se: “Patogjeni që shkakton Covid-19 është zhdukur brenda tre orësh nga sipërfaqe si letrat e duarve dhe formate të printuara por mund të zgjasë për ditë me radhë në kartëmonedha, çelik dhe plastike’.                                                                                                                                                                          Koronavirusi që shkakton Covid-19 mund të qëndrojë  në  sipërfaqe prej çeliku dhe plastike deri në katër ditë dhe në shtresën e jashtme të një maskë për fytyrën deri në një javë, sipas një studimi të studiuesve të Universitetit të Hong Kong-ut (HKU). Ekipi gjithashtu zbuloi se dezinfektuesit e zakonshëm shtëpiak, përfshirë zbardhuesin, ishin efektivë në “vrasjen” e virusit.

Gjetjet, e botuara të  enjten në revistën mjekësore The Lancet Microber, shtojnë informacione shtesë  në lidhje me qëndrueshmërinë e Sars-CoV-2, dhe çfarë mund të bëhet për të parandaluar transmetimin e tij.

Studiuesit testuan se sa kohë virusi mund të mbetet infektiv në sipërfaqe të ndryshme, pa ndryshuar temperaturën e dhomës. Patogjenët e koronavirusit zgjatën më pak se tre orë në sipërfaqje letre, ndërsa në dru dhe rroba – në studim u përdor një xhaketë standarde pambuku laboratorike – patogjenët u zhdukën në ditën e dytë.

Në xham dhe kartëmonedha, virusi ishte akoma i pranishëm në ditën e dytë dhe ishte shpërbërë  pas katër ditësh, ndërsa në sipërfaqjet e çelikut dhe plastikës, virusi ishte i pranishëm nga katër deri në shtatë ditë.

Studiuesit thanë që “në mënyrë të habitshme” kishte ende patogjenë infektues në shtresën e jashtme të një maskë kirurgjikale pas shtatë ditësh. Një  nga studiuesit tha se është shumë e rëndësishme që nëse mbahet një maskë kirurgjike, të mos preket pjesa e jashtme e saj. Mund të ndoten duart dhe nëse preken sytë, virusi mund të transferohet tek sytë tuaj, shkruan, “South China Morning news.”

Në të gjitha sipërfaqet përqendrimi i patogjënëve të virusit u ul mjaft shpejt me kalimin e kohës./Opinion.al

Pas