Përhapja me shpejtësi e Koronavirusit, po detyron vende të ndryshme të marrin masa të forta kundër tij.
Autoritetet franceze kanë vendosur ditën e sotme të mbyllin deri në një afat të papërcaktuar, një nga vendet më të frekuentuara nga turistët francezë njëherësh muzeun më të vizituar në botë.
Pas një takimi të jashtëzakonshëm të punonjësve, Muzeu i Luvrit në Paris, është mbyllur dhe hapja e tij do të bëhet në një moment të dytë, pasi stafi kërkon nga drejtuesit dhe mjekët, garanci për shëndetin e tyre.
Po ashtu ditën e djeshme, autoritetet ftanceze vendosën të ndalojnë mbajtjen e takimeve publike ku marrin pjesë mbi 5000 persona.
Nga ana tjetër, me rritjen e panikut për virusin e rrezikshëm, Covid-19, ekonomia globale dobësohet gjithnjë e më shumë dhe sektorët më të prekur sipas ekspertëve janë turizmi dhe shitjet online./Opinion.al
