Zyrtarët e shëndetësisë në Shtetet e Bashkuara thonë se dy njerëz vdiqën nga Covid-19 në Kaliforni në që në fillim të shkurtit, pra përpara vdekjes së parë të raportuar në Shtetet e Bashkuara.
Zyrtarët e qarkut Santa Clara, në veri të Kalifornisë, thonë sipas “The Guardian” se ata tani e dinë se njerëzit vdiqën në shtëpitë e tyre në 6 shkurt dhe 17 shkurt. Viktima e parë e regjistruar në SHBA nga koronavirusi u raportua më 29 shkurt në Kirkland, në shtetin e Uashingtonit.
Ekzaminuesi mjekësor në Santa Clara, konfirmoi të martën se mostrat e indeve të marra gjatë autopsisë dhe dërguar në Qendrat e SHBA për Kontrollin dhe Parandalimin e Sëmundjeve rezultuan pozitive për koronavirusin e ri. Një vdekje e tretë e tillë ka ndodhur në 6 Mars.
“Këta tre individë vdiqën në shtëpi gjatë një kohe kur testimi shumë i kufizuar ishte i disponueshëm vetëm përmes CDC, tha departamenti i shëndetit të qarkut Santa Clara në një deklaratë.
Rasti i parë i konfirmuar zyrtarisht i koronavirusit në SHBA ishte në 21 janar, në shtetin e Uashingtonit. Lajmet e fundit nga Kalifornia tregojnë për zyrtarët që koronavirusi ishte përhapur në komunitet nga fillimi deri në mes të janarit, shumë më herët sesa mendohej. / Opinion.al
