Në kuadër të masave të marra për parandalimin e përhapjes së koronavirusit, Policia e Beratit ka u ka hequr lejet e drejtim 15 personave dhe u ka bllokuar automjetet.
Po ashtu, autoritetet bëjnë me dije se janë gjobitur me 100 mijë lekë (të vjetra) 10 këmbësorë.
“Respektimi i aktit normativ Nr.3 të dt.15 Mars 2020 të nxjerrë nga kryeministri për rregullat e lëvizjes së këmbësorëve dhe mjeteve, ka penalizuar mjaft drejtues mjetesh dhe qytetarë të pabindur në Berat. Qarkullimi jashtë orarit dhe pa leje nga DPV Berat u ka kushtuar shtrenjtë 15 drejtuesve të mjeteve në Berat, të cilëve jo vetëm që ju është hequr patenta por edhe u janë bllokuar automjetet. Drejtoria Vendore e Policisë Berat bën me dije se,vetëm gjatë 48-orëve të fundit janë penalizuar me gjoba prej 100 mijë lekë (të vjetra) edhe 10 këmbësorë që kanë shkelur oraret e lëvizjes dhe janë kapur sot nga patrullat e policisë duke qarkulluar pas orës 10:00 të mëngjesit dhe pas orës 18:00 të darkës. Në çdo rrugë të qytetit shihen postblloqe të shumta policore dhe patrulla në çdo rrugë kryesore e lagje të qytetit,të cilët po penalizojnë çdo këmbësor apo drejtues mjeti që shkel rregullat e “shtetrrethimit”./ Opinion.al
