Koronavirusi vijon të shkaktojë viktima në Maqedoninë e Veriut. Mësohet se në 24 orët e fundit kanë humbur jetën 6 persona, ndërsa janë regjistruar 225 raste të reja.
Ndërkohë, sipas të dhënave të autoriteteve të shëndetësore në Maqedoninë e Veriut, janë shëruar dhe 96 të shëruar. Bëhet me dije se tre nga viktimat janë nga Shkupi, të moshës 63, 71 dhe 83 vjeç dhe nga një në qytetet e Tetovës, Prilepit dhe Manastirit.
Numri i përgjithshëm i viktimave ka arritur në 749, shumica e të cilëve janë nga Shkupi, Kumanova, Prilepi, Struga dhe Tetova. Sa i përket të infektuarve, numri më i madh është regjistruar në Shkup, gjithsej 96 persona, në Tetovë janë shënuar 15 raste, në Koçanë 17, Strumicë 11 ndërsa numër më i vogël në 20 qytete.
Deri të premten në Maqedoninë e Veriut me COVID-19 janë diagnostikuar 18.363 persona, prej të cilëve 15.164 janë shëruar ndërsa aktiv janë edhe 2.450 persona. Ministria e Shëndetësisë ka bërë të ditur se Komisioni i Sëmundjeve Infektive po shqyrton situatën pas rritjes së rasteve të të infektuarve me koronavirus.
Autoritetet kanë bërë thirrje për respektimin e masave mbrojtëse ndërsa kanë paralajmëruar se në rast të nevojës mund të vendosen masave kufizuese, si vendosja e maskave në hapësirat publike, kufizim të udhëtarëve në transportin publik dhe në restorante dhe lokale tjera./ Opinion.al
