Ka shkuar në 79 numri i viktimave nga koronavirusi në Itali, ndërsa 2502 persona janë konfirmuar si të infektuar.
Dita e sotme ka shënuar 27 viktima më shumë në krahasim me 24 orë më parë kur numri i tyre ishte 52.
Me përjashtim të rajonit të Valle d’Aosta, raste pozitive me koronavirus janë regjistruar në 20 rajone italiane, nga 21 që ka e gjithë Italia.
Autoritetet italiane informojnë se “ende nuk është e qartë se koronavirusi është shkaku i vdekjes së viktimave. Ajo që dihet është se ata kanë qenë të infektuar nga koronavirtus por dhe njëherësh pacientë me patologji të tjera.”
Rajoni i Lombardisë konfirmohet përsëri si territori me numrin më të lartë të personave të infektuar duke arritur në 1520 persona.
Në këtë rajon është identifikuar dhe numri më i lartë i viktimave që deri më tani ka arritur në 55. Ndërkohë, numri i personave të shëruar nga koronavirus është 160./ Opinion.al
