Dy banorë të Korçës janë arrestuar nga policia, pasi akuzohen se pasi kanë rrëmbyer forcërisht një 24 vjeçare dhe e kanë shitur disa herë në shtetas të ndryshën në Maqedoni, kundrejt shumës 400 euro.
Sipas policisë, në pranga u vunë Urim Qazimaj, 23 vjeç, banues në fshatin Pojan Korçë dhe Mersin Myrtollari, 50 vjeç, banues në fshatin PorodinëKorçë.
“Arrestimi i tyre u bë pasi, këta dy shtetas, në bashkëpunim me njëritjetrin, dje në fshatin Dobranj Devoll, kanë rrëmbyer forcërisht, për qëllim fitimi, nga banesa e saj, shtetasen V.Sh, 24 vjeç” njofton policia.
Nga hetimet e kryera, rezulton se shtetasi Urim Qazimaj, e ka shitur disa herë 24 vjeçaren, në Maqedoni, në persona të ndryshëm, në këmbim të përfitimit material.
Ndërkohë që Urim Qazimaj, kishte qëllim sërish, që të kalonte së bashku me 24 vjeçaren, në Maqedoni.
Materialet i kaluan Prokurorisë të Krimeve të Rënda në Tiranë, për veprën penale “Rrëmbimi ose mbajtja peng e personit” e kryer ne bashkëpunim parashikuar nga nenet 109 e 25 të Kodit Penal. (Panorama.com)
