Ulja e temperaturave ka bërë që në shumë zona të vendit reshjet e shiut t’i lënë vendin dëborës.
Një prej qarqeve, që është përfshirë nga reshjet e dëborës, është edhe qarku juglindor i Shqipërisë, Korça.
Në Dardhë dhe Voskopojë trashësia e dëborës ka arritur në 15 cm.
Akset turistike janë të hapura dhe qarkullimi i automjeteve bëhet me goma e pajisje dimërore.
Në aksin Korçë-Kapshticë, Zëmblak-dogana Gorricë dhe Korçë-Ersekë trashësia e dëborës varion nga 5-10 cm. Aktualisht të gjitha akset nacionale janë të hapura dhe qarkullimi i mjeteve bëhet pa vështirësi.
