Bashkëpunonin për të shitur dozat e kanabisit, arrestohen dy të rinj në qytetin e Korçës. Policia ka finalizohet operacioni i koduar “Porta”, për goditjen e veprimtarisë kriminale të shitjes së lëndëve narkotike, ku janë vënë në pranga një 35-vjeçar dhe një 31-vjeçar.
“Në vijim të veprimeve për këtë rast, në kuadër të operacionit të koduar “Porta”, u arrestuan në flagrancë për veprën penale “Prodhimi dhe shitja e narkotikëve”, kryer në bashkëpunim, shtetasit:
A. B., 35 vjeç, banues në Korçë, aktualisht me masë sigurie “Arrest në shtëpi”, për veprën penale “Prodhimi dhe shitja e narkotikëve”;
T. Gj., 31 vjeç, banues në fshatin Bulgarec, aktualisht me masë “Detyrim paraqitjeje”, për veprën penale “Mashtrimi kompjuterik”.
Shtetasi T. Gj. u kap në flagrancë, në lagjen nr. 18., Korçë, me doza të lëndës së dyshuar narkotike kanabis, të cilat sapo ia kishte marrë shtetasit A. B., me qëllim shitjen në qytet”, thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
