Një 72-vjeçar në fshatin Porodinë të Korçës po procedohet në gjendje të lirë pasi akuzohet për ngacmim seksual ndaj nuses së djalit të tij.
Në njoftimin e policisë, bëhet me dije se ka qenë vetë nusja që ka bërë kallëzimin ndaj vjehrrit të saj me inicialet I.M. Ky i fundit akuzohet për veprën penale “Ngacmimi seksual”.
“Janë referuar në Prokurori materialet dhe filloi procedimi penal në gjendje të lirë për shtetasin I. M., 72 vjeç, banues në fshatin Porodinë, Korçë, për veprën penale “Ngacmimi seksual”, pas kallëzimit të bërë nga nusja e djalit të tij, e cila pretendon se është ngacmuar seksualisht nga ky shtetas”, njofton policia.
Sakaq, materialet i kaluan Prokurorive të Rretheve Gjyqësore Korçë dhe Pogradec, për veprime të mëtejshme./Opinion.al
