Një kontroll i befasishëm nga seksioni i Antikontrabandes pranë Drejtorisë se Përgjithshme të Doganave në Kompaninë “Kurum” ne Elbasan, ka zbuluar një sasi prej 56 mijë litrash solar kontrabandë.
Menjëherë është arrestuar në flagrancë shoferi i autobotit që shkarkonte solar, shtetasi E.D, lindur e banues ne Lushnjë.
Në këtë aksion Departamenti Operativ-Hetimor në Drejtorinë e Përgjithshme të Doganave zbuluan dhe sekuestruan sasinë e solarit kontrabandë.
Drejtoria e Informacionit, Antikontrabandës dhe Hetimit në Drejtorinë e Përgjithshme të Doganave ushtruan kontroll të befasishëm për produktet energjitike, për të cilat paguhet akcizë, në subjektin “Kurum” sh.a., në Elbasan, ku edhe konstatuan një autobot me targë AA319/ABR050 që shkarkonte solar.
Gjatë kontrollit, dokumentat shoqërues të mjetit dhe ngarkesës dokumentet rezultuan të falsifikuara.
Shoferi akuzohet për veprën penale “Kontrabandë me mallra që paguajnë akcizë” dhe “Falsifikim dokumentacioni”, parashikuar nga Nenet 172 dhe 186 të Kodit Penal.
