Janë intensifikuar kontrollet në Morinë për të identifikuar dhe ndaluar persona që kryejnë kontrabandë mallrash. Grupe të antikontrabandës së administratës doganore shqiptare (ADSH) dhe administratës doganore të Kosovës (ADK) po kryejnë patrullime të përbashkëta në të dy anët e kufirit prej disa ditës.
Kështu mbrëmjen e djeshme, gjatë kontrolleve të kryera nga shërbimet e Antikontrabandës Tokësore të Doganës së Shqipërisë në bashkëpunim me shërbimet e Antikontrabandës së Doganës së Kosovës, si dhe me Drejtorin e Hetimit, në Pikën e Kalimit Kufitar Qaf Morinë,Tropojë, u ndalua dhe arrestua në flagrancë shtetasi Erblin Sallaku, i cili me mjetin tip “Volksëagen Polo”, me targë AA745IA, tentoi të kalojë mallra kontrabandë, duke iu shmangur detyrimit doganor.
Gjatë kontrollit, në mjetin e shtetasit të sipërpërmendur u gjetën pajisje elektronike të ndryshme, si celularë të markës “Samsung”, “iPad”, bateri dhe aksesorë të ndryshëm për telefona celularë.
Sipas informacioneve, ky shtetas kryente kontrabandë nga Kosova në drejtim të Shqipërisë.
Për rastin në fjalë, materialet iu referuan Prokurorisë së Rrethit Kukës, për veprën penale të parashikuar nga Neni 174 i Kodit Penal, “Kontrabandë me mallra të tjera”.
Deri më tani janë kryer 445 kontrolle të përbashkëta, në akse rrugore si dhe u monitorua e gjithë vija e gjelbër. Prej tyre, 97 kontrolle janë të plota dhe 348 të pjesshme.
Në të gjitha kontrollet e plota u përdorën dhe pajisjet e specializuara nën përdorim të grupeve që operojnë në terren te tilla si: vidioscope, pasqyra të veçanta, narcotic test kit donacione te Ambasades Amerikane.
*Foto të mallrave të sekuestruara
