Një adoleshent është arrestuar, pasi konsumoi drogë dhe më pas sulmoi e dhunoi me fishekzjarre punonjësit e policisë gjatë një proteste të ndodhur në Angli.
Mediat britanike bëjnë me dije, se është vënë në pranga një 19-vjeçar që konsumoi ketaminë ( drogë-qetësues që përdoret si një trajtim për depresionin, për menaxhimin e dhimbjes, ka raste që shkakton një gjendje “anestezie”) dhe sulmoi me fishekzjarre të ndezura në drejtim të policisë gjatë një proteste në një hotel azilkërkues.
Jared Skeete, 19 vjeç, ‘i nxiti’ oficerët duke marrë ‘qëllimisht’ drogë-qetësues përpara se t’i sulmonte gjatë trazirave në Merseyside.
Në pamje shihet qartë kaosi i shkaktuar nga protestat në Hotel Suites më 10 shkurt, ku Skeete u filmua duke qëndruar pranë një furgoni policie të djegur duke sulmuar me fishekzjarre të shumta policinë.
Skeete doli këtë të hënë në seancën gjyqësore, ku u dënua me tre vjet burgim pasi u deklarua fajtor për çrregullime të dhunshme.
Për veprimet e adoleshentit, gjykatësi David Swinnerton tha se “skenat në përgjithësi ishin të tmerrshme dhe të turpshme”.
Kur u arrestua dhe u intervistua, 19-vjeçari mohoi të ishte personi i paraqitur në pamje, por më pas në gjykatë ka deklaruar të gjithë ngjarjen e ndodhur dhe sulmin ndaj policisë./Opinion.al
