Policia e Shtetit ka njoftuar se sot në ambientet e Akademisë së Sigurisë, po zhvillohet testimi me shkrim, për të konkurruar për gradat Drejtues dhe Drejtues i Parë.
Sipas lajmërimit mësohet se 88 Kryekomisarë po i nënshtrohen testimit me shkrim për të fituar gradën Drejtues, ndërsa 20 Drejtues për të fituar gradën Drejtues i Parë.
Gjithashth bëhet me dije se javën e ardhshme do të zhvillohet edhe testimi me shkrim, për të konkurruar për gradat Komisar dhe Kryekomisar.
“Sot, në ambientet e Akademisë së Sigurisë, po zhvillohet testimi me shkrim, për të konkurruar për gradat Drejtues dhe Drejtues i Parë.
88 Kryekomisarë po i nënshtrohen testimit me shkrim për të fituar gradën Drejtues, ndërsa 20 Drejtues për të fituar gradën Drejtues i Parë.
Aktualisht, në strukturat e Policisë së Shtetit, janë 40 vende të lira për Drejtues dhe 12 vende të lira për Drejtues të Parë.
Javës tjetër do të zhvillohet edhe testimi me shkrim, për të konkurruar për gradat Komisar dhe Kryekomisar.
Procesi po monitorohet nga Drejtoria e Standardeve Profesionale në Drejtorinë e Përgjithshme e Policisë së Shtetit dhe po mbikëqyret nga AMP dhe përfaqësues të misioneve ndërkombëtare që asistojnë Policinë e Shtetit”, njofton policia.
