Një 56-vjeçar në Konispol është vënë në pranga pasi shiste produkte ushqimore të skaduara, brenda perimetrit të sigurisë së një shkolle të mesme.
Gjatë kontrollit të ushtruar në këtë dyqan, është zbuluar se pronari shiste mallra të kontrabanduara, një pjesë e madhe e të cilave përbënin rrezik për shëndetin e nxënësve dhe të qytetarëve të tjerë, sepse iu kishte kaluar afati i konsumimit.
Sipas policisë, N. A., 56 vjeç me detyrë përgjegjës i Policisë Bashkiake Konispol, duke përdorur detyrën, ka ndikuar për të shmangur kontrollet në subjektin ku shiste produkte pa faturë.
Në cilësinë e provës materiale u sekuestruan produkte të ndryshme ushqimore të kontrabanduara dhe të skaduara.
