Kryetari i Partisë Demokratike, Lulzim Basha ka qenë i pranishëm në Kongresin e Bashkimit të Sindikatave të Pavarura të Shqipërisë.
Basha është shprehur se PD ka gati planin e ri qeverisës për të dalë nga gjendja e kolapsit, ku sipas tij, ndodhet vendi.
Kryedemokrati theksoi se Shqipërisë i duhet një drejtim i ri, ku të luftohet korrupsioni i politikanëve apo drejtuesve të institucioneve.
“Fëmijët tanë pavarësisht nga mosha e shohin dhe ikjen e shpresës dhe të mundësive dhe kanë si aspiratë largimin nga vendi. Vendi ka mbetur me marshin indietro. Shkaqet e gjithë kësaj janë një kulturë korrupsioni që karakterizon jetën e shqiptarëve, nga politika, biznesi dhe shëndetësia. Na duhet një drejtim i ri, një ndryshim, dhe na duhet shteti. Një plan i ri, një vizion se si vendi të dalë nga kjo gjendje kolapsi. Opozita e bashkuar, PD, e ka vizionin për një Shqipëri europiane. Së bashku e ekspertët tanë ndërkombëtare, ne po bëjmë gati shpalosjen e këtij plani në konsultim të plotë me të gjithë faktorët, siç është dhe partneri i parë; Bashkimi i Sindikatave të Pavarura të Shqipërisë”, tha Basha./ Opinion.al E.Xh.
