“Reforma në drejtësi, ishte çelësi i hapjes së negociatave me BE”, kështu ka deklaruar kryenegociatorja dhe ministrja e Shtetit, Majlinda Dhuka gjatë kongresit të PS.
Gjatë fjalës së saj në panelin Reforma në Drejtësi dhe Lufta kundër Korrupsionit, Dhuka theksoi se reforma në drejtësi, e vetmja për nga thellësia dhe rezultati ndër vendet kandidate, ishte çelësi i hapjes së negociatave me BE.
Sipas saj nisja e negociatave të anëtarësimit është pjesa e fundit e rrugëtimit tonë për t’u bërë anëtarë me të drejta të plota të atij bashkimi vlerash dhe aleancash të shteteve evropiane”.
“Në 24 nëntor të vitit 2023, pas 14 muajve punë intensive nga çelja e negociatave, Shqipëria përmbylli me sukses fazën e parë të negociatave me BE, procesin e vlerësimit të nivelit të përgatitjes për anëtarësim në BE. Në gjuhën e negociatave e quajtur si screening”, theksoi Dhuka.
Dhuka u shpreh se ekipi i ynë i negociatave me BE u vlerësua nga KE dhe vendet anëtare për punën e tij
“Përmes dialogut intensiv mbi 1 mijë zyrtarë të institucioneve tona dhe përmbi 1 mijë zyrtarë nga KE shqyrtuan përgatitjet e Shqipërisë përreth 777 çështje të sistemit të qeverisjes dhe ekonomisë së vendit. Ky dialog shënjoi investim të madh besimi tek profesionalizmi dhe progresi i Shqipërisë nga KE dhe vendet anëtare”, tha Dhuka.
