Sot është zhvilluar seanca gjyqësore në Gjykatën e Lartë për konfliktin e Lagunës së Patokut ku është përfshirë deputetit socialist, Armando Prenga.
Ky i fundit nuk ka marrë pjesë në seancën kundër tij, por u përfaqësua nga avokati.
Gjok Cali në dëshminë e tij hodhi akuza ndaj Armando Prengës duke thënë se : “Ai na kërcënoi me armë dhe mua më qëlloi me qytën e pistoletës në kokë”.
Por pas deklaratës së Calit ka reaguar Baftjar Rusi, avokati i Prengës që u shpreh se klienti i tij është i pafajshëm. “Prenga nuk ka plagosur askënd”, ka thënë avokati.
Kurse lidhur me kërkesën e prokurorisë për dekriminalizimin, avokati tha se “ende nuk jemi njohur zyrtarisht me kërkesën e tyre, por siguroj që Prenga nuk preket nga ky ligj”.
Në gjyq u dëgjuan dhe dëshmitë e Dorian Calit, Julian Calit, ndërsa seanca e radhë su shtyp për në datën 13 mars.
Konflikti për Lagunën e Patokut u shënua në tetor të vitit të vitit 2015, kur Prenga dyshohet se kërcënoi dhe goditi vëllezërit Cali për shfrytëzimin e kësaj lagune.
