Disa persona janë përfshirë në një sherr në Durrës në lagjen Nr.18, ku mes të tjerash është qëlluar në ajër edhe me armë zjarri kallashnikov.
Konkretisht, dy persona me iniciale H.Ll. dhe K.S. janë konfliktuar me 48-vjeçarin G.Z., të cilin e kanë dhunuar me sende të forta e më pas qëlluan në ajër me kallashnikov për ta kanosur.
Dy të dyshuarit, sapo mësuan që në vendngjarje po mbërrinte policia, u larguan me makinë dhe janë shpallur në kërkim.
Ndërkohë, për këtë ngjarje janë arrestuar 3 persona, mes të cilëve edhe vetë i dëmtuari, i cili akuzohet për moskallëzim krimi.
Ndërkohë, në pranga janë vënë edhe S.Sh. 38 vjeç dhe J.Z. 26 vjeçe, për akuzat e veprime që pengojnë zbulimin e së vërtetës dhe moskallëzim krimi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
