Konflikt me thikë mes të rinjve në Peshkopi/ Lëndohet 18-vjeçari, në pranga bashkëmoshatari i tij

Një konflikt mes dy të rinjve në Peshkopi, ka degraduar në përdorimin e thikës dhe plagosjen e njërit prej tyre.

Si pasojë e sherrit për motive të dobëta të ndodhur në lagjen “Kamen” të Peshkopisë është dëmtuar me thikë 18-vjeçari me iniciale F.K.

Për rastin është arrestuar bashkëmoshatari i tij, i riu me iniciale O.H.

“Shërbimet e Komisariatit të Policisë Dibër, në bashkëpunim me Forcën e Posaçme “Shqiponja”, menjëherë pas marrjes së informacionit se në lagjen “Kamen”, në qytetin e Peshkopisë, po ndodhte një konflikt mes dy të rinjve, menjëherë kanë shkuar në adresën e dhënë. Si rezultat i reagimit të menjëhershëm dhe hetimeve të kryera, u bë arrestimi në flagrancë i shtetasit O.H., 18 vjeç, banues në Peshkopi.

Ky shtetas pas një konflikti për motive të dobëta, është konfliktuar fizikisht dhe ka dëmtuar me mjet prerës (thikë), shtetasin F.K., 18 vjeç, banues në Peshkopi“, njofton policia.

Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme./Opinion.al