Një mjek është dhunuar këtë të enjte në spitalin e Lezhës. Sipas informacioneve të para, mjeku Zef Doda ka qenë në shërbim kur është dhunuar rëndë nga i afërmi i një pacienti.
Mësohet se mjeku ndodhet në një gjendje të rënduar, me shumë plagë në trup. Ai u trajtua në spitalin rajonal të qytetit të Lezhës dhe pastaj u dërgua për një kurim më të specializuar në Spitalin e Traumës në Tiranës.
Vetëm pak javë më parë, një tjetër mjek u dhunua në spitalin e Durrësit nga dy pacientë të dehur. Po ashtu Ministria e Shëndetësisë ka propozuar edhe një sërë masash që pacienti të mos shoqërohet nga familjarët në dhomën e urgjencës si dhe vizitat të jenë me një orar të caktuar, por siç duket këto masa deri tani nuk kanë rezultuar efikase.
Njoftimi i policisë:
Sot, rreth orës 12:30, tek poliklinika e Spitalit Rajonal në Lezhë, shtetasi E.Ll. vjeç 24 , për shkak të detyres ka goditur fizikisht një mjek i cili është transportuar në Spitalin e Traumës në Tiranë për ndihmë mjekësore. Grupi hetimor ndodhet në vendngjarje për sqarimin e plotë të rrethanave të situates si dhe vazhdojnë kërkimet për kapjen e autorit E.Ll. i cili është shpallur në kërkim./Opinion.al
