Kryeministri Edi Rama e ka quajtur një lajm shumë të mirë, vlerësimin më të fundit të agjencisë Standard & Poor’s.
Përmes një postimi në rrjete sociale, Rama thotë se kjo agjenci duke e ngritur më tej vendin tonë në një nivel të ri, konfirmon edhe nga ky këndvështrim progresin e pandalur të Shqipërisë.
“LAJM SHUMË I MIRË
Në raportin e saj më të fundit, agjencia prestigjioze ndërkombëtare e vlerësimit, “Standard & Poor’s Global Ratings”, pikë referimi e palëvizshme për tregjet financiare, investitorët dhe vlerësuesit e shteteve, ka përmirësuar përsëri vlerësimin afatgjatë të kreditit të Shqipërisë në “të qëndrueshme” (në “BB” nga “BB-“) duke e ngritur më tej vendin tonë në një nivel të ri, e duke konfirmuar edhe nga ky këndvështrim progresin e pandalur të Shqipërisë.
*E di që ata që ankohen për 2 minuta shaka me Lulin se duan program, nuk do e lexojnë këtë lajm”, shkruan Rama./Opinion.al
