Edhe pse Salah Abdeslam ndodhet i arrestuar që prej javës së kaluar, ai besohet se ka marrë pjesë në përgatitjen e sulmeve të sotme në Bruksel.
“Politico”, raporton se, lënda plasëse e gjetur në apartamentin e tij do të përdorej në këto sulme, gjë e cila konfirmohet nga një zyrtar belg.
Ministri i Jashtëm i Belgjikës, Didier Reynders kishte paralajmëruar pas kapjes së të akuzuarit kryesor për sulmet në Paris, se ai po përgatiste sulme të tjera.
“Ai ishte gati të përgatiste diçka nga Brukseli dhe kjo mund të bëhet realiteti”, tha Reynders para një grupi ekspertësh për sigurinë në një konferencë në Bruksel.
“Gjetëm shumë armë, armatime të rënda dhe kemi zbuluar një rrjet njerëzish rreth tij në Bruksel”.
