Fadroma me të cilën punonte Edmod Kallari, i arrestuar tashmë nga policia për vdekjen e Ardir Gjoklaj, në landfillin e Sharrës është mjeti nga i cili ka gjetur vdekjen 17 – vjeçari. Kjo është konfirmuar nga njollat e gjakut që janë gjetur në fadromë, të cilat më pas janë krahasuar me atë të adoleshentit.
Ndërkohë të gjithë drejtuesit e landfillit të Sharrës kanë mohuar të kishin dijeni për punësimin e 17 vjeçarit. Bujar Daja, i cili u lirua nga gjykata, ka deklaruar se është i punësuar si ekonomist i firmës “3R” me administrator Edurim Teqja dhe punëtorët i merr në punë ky shtetas.
Për viktimën ka deklaruar se nuk e di që është punonjës i firmës. Përgjegjës i caktuar për mbarëvajtjen e punëve, por jo i regjistruar është shtetasi Besnik Braha.
Ai mësohet të ketë deklaruar se kishte shkuar tek landfilli rreth orës 10.00, ku ka dërguar naftë për të furnizuar mjetet.
Më pas është larguar dhe rreth orës 12.30 të së dielës është njoftuar se tek plehrat dukej një kufomë. Pas kësaj është bërë njoftimi i policisë.
Ndërkohë, Braha dhe drejtus të tjerë të landfillit kanë deklaruar në polici se nuk e dinin dhe nuk e kishin parë ndonjëherë Ardit Gjoklajn.
Ndërkohë dëshmitë e punonjësve të tejrë që seleksjonojnë mbeturinat në Sharrë kanë dekaruar se 17 – vjeçari ka hyrë me ta për të punuar mëngjesin e të dielës. Kjo gjë konfimrohet edhe nga kamerat e sigurisë në landfill./tvklan.al
