Spekulimet se Pippa Middleton u kishte treguar miqve të saj mbi shtatzëninë nisën qysh në muajin prill, por vetëm tani, pasi motra e saj, Dukesha e Kembrixhit, solli në jetë fëmijën e tretë, Princin Louis.
Pas shumë thashethemeve, Pippa Middleton konfirmon më në fund se është në pritje të fëmijës së saj të parë me bashkëshortin James Matthews. Motra e Dukeshës së Kembrixhit, e cila mori vëmendjen e të gjithëve pas shfaqjes në dasmën e Kate Middleton dhe Princit William, konfirmoi lajmin në revistën “Waitrose Weekend”.
34-vjeçarja Middleton, tha se e ka pasur të pamundur të mbante sekret këtë lajm. Ajo zbuloi edhe se i ka kaluar muajt e parë të shtatzënisë pa problemet e zakonshme të një femre, siç i ka përjetuar edhe motra e saj më e madhe tre shtatzënitë e saj.
“Isha me fat t’i kaloja 12 javët e para pa vuajtur nga të vjellat e mëngjesit”,- tha ajo. “Kjo më bëri që të vijoja normalisht jetën dhe stërvitjen”.
Në artikullin “Stërvitja gjatë shtatzënisë”, Pippa jep këshilla për vazhdimin e stërvitjes edhe gjatë shtatzënisë. “E kisha ndierë ndryshimin e trupit tim, por përmes ushtrimeve, ndihesha edhe më e fortë”, shton ajo, teksa i siguron lexuesit se do t’i mbajë të përditësuar gjatë muajve të ardhshëm.
Middleton u martua me menaxherin e fondeve të investimit, James, në maj të vitit 2017, në një dasmë ku morën pjesë figura të njohura dhe pjesëtarë të familjes mbretërore britanike.
