Bosnje dhe Hercegovina ka konfirmuar rastin e saj të parë me koronavirusin e ri.
Rasti është konstatuar në pjesën e Republikës Serbe të Bosnjës dhe është konfirmuar nga ministri i Shëndetësisë dhe Mirëqenies Sociale të Republikës Serbe, Alen Sheraniç, në një konferencë për media.
“Bëhet fjalë për një punëtor që ishte në Itali dhe që u kthye në Banja Llukë. Ai u transferua në një qendër klinike. Gruaja e tij është negative, por fëmija është pozitiv për korona virus”, tha Sheraniç, duke shtuar se mund të paraqiten më shumë raste.
Ai u bëri thirrje të gjithë qytetarëve që të kujdesen për higjenën personale.
Këshilli i Ministrave i Bosnje dhe Hercegovinës do të zhvillojë një seancë të jashtëzakonshme të enjten për të diskutuar situatën. /Opinion.al
