Janë konfirmuar rastet e para të murtajës afrikane të derrave të butë në Shqipëri.
Ministria e Bujqësisë dhe Zhvillimit Rural përmes një njoftim publik, bën me dije se janë identifikuar disa raste në një fermë në Lezhë.
Mnistria thote se ferma e cila është vënë menjëherë në mbikqyrje veterinare ka qënë në zonën e survejancës 10 km me vatrën në malin e Rrencit.
Postimi i plotë:
NATO tha të premten se do të rrisë praninë e saj në Detin Baltik, pas dyshimeve për dëmtim të një kablloje elektrike nënujore dhe katër linjave të internetit. Po kështu Estonia, një vend anëtar i aleancës veri-atlantike njoftoi se kishte nisur një operacion detar për të mbrojtur një linjë paralele të energjisë elektrike.
Të enjten Finlanda ndaloi një anije që po transportonte naftë ruse, nën dyshimet se ajo shkaktoi dëmet e kabllos nënuojre të energjisë ‘Estlink 2’, që lidh Finlandën dhe Estoninë, si dhe linjat e fibrave optike. Helsinki tha se ka kërkuar mbështetjen e NATO-s.
Vendet e Detit Baltik janë në gatishmëri të lartë për akte sabotimi, pas një sërë incidentesh ndaj kabllove të energjisë, linjave të telekomit dhe tubacioneve të gazit, nga fillimi i sulmit rus kundër Ukrainës më 2022, megjithëse pajisjet nënujore në shumë raste përballen me defekte ose aksidente.
“Kemi rënë dakord me Estoninë dhe e kemi njoftuar edhe Sekretarin e Përgjithshëm të NATO-s, Mark Rutte, se dëshira jonë është që të kemi një prani të shtuar të NATO-s”, tha Presidenti finlandez Alexander Stubb në një konferencë për shtyp.
Zoti Rutte tha se ka diskutuar me zotin Stubb dhe se ka shprehur mbështetjen e tij për hetimin e udhëhequr nga Finlanda.
“NATO do të rrisë praninë e saj ushtarake në Detin Baltik”, shkroi Sekretari Rutte në platformën X.
Kremlini u shpreh i shqetësuar për ndalimin nga Finlanda të anijes që transportonte naftë ruse. Në të kalurën, Moska ka mohuar përfshirjen në ndonjë incident ndaj infrastrukturës në baltik. Estonia tha se marina e saj është angazhuar për të ruajtur kabllon nënujore ‘Estlink 1’, e cila ende është funksionale.
“Nëse ka ndonjë kërcënim ndaj infrastrukturës kritike nënujore në rajonin tonë, do të ketë gjithashtu një përgjigje”, tha ministri i Jashtëm estonez Margus Tsahkna në rrjetin X.
Në kuadër të transparencës publike, Ministria e Bujqësisë dhe Zhvillimit Rural informon qytetarët se në datën 25 Dhjetor 2024, nga veterineri zyrtar i shërbimit për Njësinë Administrative Shëngjin, është konstatuar se në fshatin Ishull – Lezhë tek fermeri Vitor Zef Jushi me kod ferme AL091919860492, me 71 krerë derra ka patur ngordhje në 8 krerë. Në datën 26 Dhjetor 2024 Shërbimi Veterinar i Sektorit të Lezhës ka shkuar në fermë dhe ka konstatuar ngordhjen edhe të 7 krerëve të tjerë. Menjëherë është kryer groposoja e kafshëve të ngordhura, disinfektimi i mjedisit, si dhe janë marrë kampione zyrtare (karkasë dhe organe), të cilat u dërguan në ISUV me fletë shoqërimi për dyshim të sëmundjes së Murtajës Afrikane të Derrave, sipas protokollit të përcaktuar.
Kampionet e dërguara nga kadavra të derrave të butë dhe të kryqëzuar, prej Shërbimit Veterinar Rajonal të Qarkut Lezhë, në Laboratorin e Referencës – Institutin e Sigurisë Ushqimore dhe Veterinarisë, në datën 26.12.2024, kanë rezultuar pozitive me testin konfirmator RT – PCR, për praninë e sëmundjes së Murtajës Afrikane të Derrave.
Ferma e cila është vënë menjëherë në mbikqyrje veterinare ka qënë në zonën e survejancës 10 km me vatrën në malin e Rrencit. Është kontrolluar 3-herë gjatë periudhës se karantinës në datat 27.11.2024 dhe në datat 02.12.2024 dhe 09.12.2024, nga ku është konstatuar gjendje e mirë shëndetësore e kafshëve në fermë.
Ministria e Bujqësisë dhe Zhvillimit Rural me strukturat ligj-zbatuese kanë marrë masat dhe është në gadishmëri të cdo rasti për menaxhimin në kohë dhe pa vonesë të kufizimit për përhapjen e sëmundjes.
Ditën e sotme, në datë 27.12.2024 është mbajtur takimi i Qëndrës Kombëtare të Krizës dhe ka hyrë në fuqi Urdhri nr.1131 “Për marrjen e masave kufizuese për parandalimin dhe kontrollin e sëmundjes së Murtajës Afrikanë në Derrat e butë”, në të cilin udhërohen masa shtesë për:
1. Ndalimin e shitjes dhe tregtimit të derrave të gjallë në mjediset e hapura dhe tregjet e kafshëve të gjalla, në territorin e Bashkinë Lezhë.
2. Ndalimin në territorin e Bashkisë Lezhë të lëvizjes së derrave të gjallë nga ferma në fermë dhe nga ferma në tregjet, panairet dhe ekspozitat e kafshëve të gjalla.
3. Veterineri zyrtar me miratim të titullarit të DRVMB mund të autorizojë lëvizjet e derrave të mbarështuar nga fermat pa prani të sëmundjes, që ndodhen në zonën e mbrojtes direkt për në një thertore, e cila ndodhet sa më afër që të jetë e mundur me fermën e origjinës dhe brenda zonës së mbrojtjes, ose në zonën e mbikëqyrjes, kur nuk është e mundur që kafshët të theren në zonën e mbrojtjes.
4. Të kryhet inventarizimi dhe gjurmimi me teste laboratorike konfermatore për sëmundjen e Murtajës Afrikane të Derrave, në zonat e mbrojtjes dhe mbikqyrjes, në Njësitë Administrative: Shëngjin, Kolsh, Zejmen, Lezhë, Balldre, Kallmet dhe Shënkoll të Bashkisë Lezhë.
5. Të forcohet marrja e masave për kontrollin e lëvizjes së kafshëve, zbatimin e masave të Biosigurisë dhe masave sanitaro-veterinare në zonën e mbrojtjes dhe mbikqyrjes në Njësitë Administrative Shëngjin, Kolsh, Zejmen, Lezhë, Balldre, Kallmet dhe Shënkoll.
I bëjmë thirrje pronarëve të kafshëve të zbatojnë masat karantinore dhe të biosigurisë, veterinerëve privatë, teknikëve veterinarë, drejtuesve të njësive të qeverisjes vendore, punonjësve e shërbimit pyjor dhe gjuetarëve, që për cdo rast dyshimi apo prani të shenjave klinike në derra, të informojnë pa vonesë Shërbimin Veterinar Rajonal në numrin e gjelbër 08003366 ose në rrugë zyrtare në adresën e e-mailit [email protected].
Njoftojmë qytetarët se Murtaja Afrikane e Derrave nuk është një sëmundje që prek njeriun, mirëpo ajo përbën një rëndësi të madhe për ekonominë dhe shëndetin e popullatës së derrit, në vendin tonë.
