Ka shkuar në 12 numri i rasteve të koronavirusit në Shqipëri sipas ministrisë së Shëndetësisë. Deri tani janë testuar 157 raste
Dy raste të reja të personave të prekur me koronavirus janë identifikuar në Shqipëri duke e cuar në 12 totalin e personave të infetuar.
Njoftimi është bërë në një konferencë për shtyp nga zëvendësministrja Mira Rakacolli.
“Janë kryer 43 testime të reja, kanë rezultuar pozitive vetëm 2 raste. Njëri prej tyre është i lidhur me rastin e parë, tjetri një i moshuar në Lushnje që ka udhëtuar nga Bergamo. Të dyja rastet janë në vetë izolim dhe janë në gjendje të mirë shëndetësore”, njoftoi zv/ministrja.
Ajo shtoi se në total janë kryer 157 analiza tek personat e dyshuar si të prekur dhe nga këta 12 kanë rezultuar pozitiv.
“157 njerëz të dyshuar në total, 12 janë pozitiv. Lidhur me gjendjen e tyre shëndetësore, 3 janë të shtruar në Infektin në gjendje stabël, një në Durrës. 7 janë në vetë izolim, pa shenja klinike. Po vazhdojmë të gjurmojmë rastet”, tha Rakacolli. /Opinion.al
