Ashtu sikurse edhe kanë paralajmëruar deputetët demokratë po bllokojë çdo aktivitet parlamentar.
Këtë të mërkurë është mbledhur Konferenca e Kryetareve, ku do të diskutohet për Projektbuxhetni për vitin 2024. Deputetët e PD-se, nuk po lejojnë fillimin e mbledhjes.
Shkak për këtë situatë është bërë përjashtimi i disa deputeteve të PD. Komisioni i Etikës ditën e djeshme vendosi për përjashtimin me 10 ditë të deputetëve të opozitës. Sipas njoftimit Bledion Nallbati, Flamur Noka, Edi Paloka, Albana Vokshi dhe Gazment Bardhi janë përjashtuar me 10 ditë. Ndërkohë me 3 ditë është përjashtuar deputeti Saimir Korreshi.
Përjashtimi i tyre erdhi pas përplasjeve fizike dhe tensionit që u krijua gjatë seancës të ditës së kënë e cila nuk zgjati as një orë. Gjatë kësaj seance, deputeti Bledion Nallbati pengoi kolegun e PS-së Vullnet Sinaj të fliste e më pas tentoi ta grushtojë.
Mësohet se të pranishëm në Kryesine e Kuvendit janë edhe deputetë të opozitës, si edhe ish-kryeministri Sali Berisha./Opinion.al
