Princi i Uellsit ka nderuar babain e tij, Mbretin Charles III një ditë pas kurorëzimit, duke thënë se mbretëresha e ndjerë Elizabeth II do të ishte “një nënë krenare” për të.
Duke iu drejtuar turmave në Kështjellën Windsor në koncertin e Kurorëzimit, William tha se gjyshja e tij ishte “aty lart, duke i parë me dashuri”.
Ai tha se kjo fundjavë ishte “shumë e rëndësishme” për ta.
Duke nënvizuar arritjet e mbretit Charles gjatë 50 viteve të fundit, William tha: “Baba, ne jemi të gjithë shumë krenarë për ty. Dua të shpreh krenarinë dhe mirënjohjen time për miliona njerëz që shërbejnë në forca, në reparte spitalore dhe në komunitetet lokale. Do të doja t’ju përmendja të gjithëve. Shërbimi juaj na frymëzon. Dhe sonte ne festojmë. Unë angazhohem t’ju shërbej të gjithëve, Mbretit, vendit dhe Commonwealth. Zoti e ruajtë mbretin”, tha William.
Mbreti Charles dhe Mbretëresha Camilla buzëqeshën dhe valëvitën flamujt e tyre gjatë mbrëmjes.
Princesha e Uellsit mori pjesë në koncert me fëmijët më të mëdhenj të saj dhe William, Princin George dhe Princeshën Charlotte. Princi Louis, i cili sapo ka mbushur pesë vjeç, qëndroi në shtëpi pas ditës së ngarkuar në Kurorëzim të shtunën.
Duka dhe Dukesha e Edinburgut ishin ulur pranë Mbretit dhe Mbretëreshës, me kryeministrin Rishi Sunak pas tyre. Princi Andreë, Duka i Jorkut dhe ish-gruaja e tij, Dukesha e Jorkut, Sarah Ferguson, morën pjesë gjithashtu.
Katy Parry, Take That, Lionel Richie e shumë të tjerë ishin artistët e ftuar në koncertin ku morën pjesë 20 mijë fansa.
