4 muaj pas nisjes së hetimeve nga prokuroria për konçesionet e dhëna në shëndetësi, nisin veprimet konkrete të grupit hetimor. Burime nga akuza e Tiranës konfirmuan se javën e ardhshme do nisë pyetja e zyrtarëve të minsitrisë dhe komisioneve të vlerësimit të ofertave që kanë realizuar këto tendera.
Koncesionet që po hetohen janë tre: ai i chek-upit, hemodializa dhe sterilizimi i paisjeve kirurgjikale.
Prokurori i çështjes, Endrit Bime, ka urdhëruar thirrjen në prokurori fillimisht të të zëvendësministrit të shëndetësisë, Klodian Rrjepaj, i cili ka qenë kryetar i njërit prej koncesioneve të dhëna. Gjithashtu do të thirren për të dhënë dëshminë e tyre Arben Gjata, Genci Byrazeri dhe Petro Mersini.
Burime të Tv Klan saktësojnë se këta persona do të sqarojnë mënyrën se si është proceduar me dhënien e kocesioneve dhe praktika ligjore ku janë mbështetur.
Prokuroria gjatë kësaj peridhe ka sekuestruar disa materiale në Ministrinë e Shëndetësisë që kanë të bëjnë pikërisht me këto tendera.
Grupi hetimor thotë se, do të pyeten të gjithë zyratrët të cilët kanë firmosur për këto koncesione dhe nuk është i përjashtuar askush.
Hetimi për këtë çështje filloi kryesisht nga prokuroria pas denocimeve të medias për shkelje ligjore në këto tendera.
Tv Klan
