Kryeministri Edi Rama ka nisur një komunikim të përjavshëm me qytetarët përmes rrjeteve sociale.
Përmes një rubrike të re të Kryeministrit, që do të jetë çdo të diel në orën 17:00, Rama ka bërë një analizë për zgjedhjet në Dibër.
Sipas tij, me votat për Muharrem Ramën, “Dibra i ka dhënë mend shqipërisë”.
“Unë kisha bindjen se Dibra do ti jepte mend Shqipërisë. Dibranët janë të bindur se jemi të vetmit që bashkë me ta do bëjmë gjëra që nuk janë bërë prej vitesh. Dibra dha mesazhin e vet: Besim i madh për të bërë shumë më tepër për Dibrën. Dhe ne do të bëjmë për Dibrën më shumë se në 20 e ca vite”-tha Rama.
Por Rama, si në çdo dalje publike nuk harroi të merrej me kundërshtarët politikë, e aq më pak të harronte ironitë e personalizuara. Duke iu referuar kandidatit demokrat Sherefedin Shehu, Rama tha se “ai i ishte i vetmi që nuk votoi as për veten e tij”.
