Autoriteti i Konkurrences akuzon kompanitë e sigurimeve se i vendosin çmimet siguracioneve te makinave ne marreveshje me njeri – tjetrin.
Në raportin vjetor qe i eshte dorëzuar Parlamentit, thuhet se kompanite kane krijuar kartel ne kete sektor dhe kane shmangur rregullat e konkurrences.
Ndryshimet e shpeshta në çmimin e sigurimeve të makinave vlerësohen si marrëveshje të ndaluara edhe nga Autoriteti i Konkurrencës.
Së fundi, ky institucion ka depozituar në Kuvendin e Shqipërisë raportin vjetor, ku e vlerëson tregun e sigurimeve si një nga më kaotikët.
Në raport argumentohet se janë bërë hetime të shumta dhe ka rezultuar se të gjitha shoqëritë që operojnë në këtë fushë, në datën 24 gusht 2016-të kanë rritur çmimet në të njëjtën masë dhe në të njëjtën dite.
“Është vërejtur se të gjitha shoqëritë kanë aplikuar çmimin e rritur për produktin MTPL në të njëjtën datë dhe në të njëjtën masë me 16.7%, me përjashtim të njërës, e cila i ka aplikuar një ditë më vonë.” thuhet në raport.
Autoriteti i Konkurrences arrin ne perfundimin se kompanite e sigurimeve i kane caktuar cmimet ne marreveshje me njera – tjetren, duke krijuar nje kartel ne sektor.
Por edhe pse konkurrenca ka bërë rekomandime pranë Autoritetit të Mbikëqyrjes Financiare për të marrë masa në këtë treg, kjo nuk i ka shqetesuar aspak kompanitë e sigurimit.
Vetëm gjatë shkurtit ato ndryshuan tre herë çmimin e policave të sigurimit, duke e ulur dhe rritur në të njëjtat data nga të gjitha kompanitë.
Në bazë të rregullores, kompanitë duhet të miratojnë njëherë tarifat e reja pranë Autoritetit të Mbikëqyrjes Financiare, por askush nuk i ka zbatuar këto rregulla.
