Kompania “Fastech”, që sipas opozitës është në pronësi të ministrit Ilir Beqaj figuron sërish në tendera shtetërore. Kësaj radhe bëhet fjalë për një agjenci të varësi të Ministrisë së Ekonomisë që ka dhënë tender për këtë kompani. Kujtojmë se ministrja e Ekonomisë, Milva Ekonomi ka shërbyrer deri para pak muajsh si zv.ministre e Shëndetësisë.
Referuar dokumenteve që boton sot portali CityNews, mësohet se Agjencia Kombëtare e Turizmit ka zhvilluar një tender për ristrukturimin e portalit të Turizmit Shqiptar, me një fond limit prej 2,490,000 lekë të reja.
Shpenzimi prej 24 milionë lek të vjetra i vënë në dispozicion nga Agjencia Kombëtare e Turizmit është tepër luksoz për ristrukturimin e një faqe interneti, pasi nëse do të marrim në konsideratë çmimet e tregut, portali me cilësinë më të mirë do të kushtonte 3000-4000 Euro. Siç duket edhe në dokumentin e mëposhtëm, tenderi është fituar me 17 milionë lekë ofertë, pra rreth 70% e vlerës së fondit limit nga kompania “Fastech”.
