Me debate ka vijuar mbledhja e Komisionit Parlamentar të Sigurisë, ku ishte thirrur për të raportuar kryetarja e SHISH Vlora Hyseni.
Për shkak të informacioneve, u kërkua që mbledhja të vijonte me dyer të mbyllura.
Ndërkaq, në lidhje me këtë kërkesë Salianji theksoi se kërkon që të japë mendimin e tij, por kjo nuk u lejua nga kryetari i Komisionit të Sigurisë, Nasip Naço.
Ky reagim i Naços, solli edhe indinjimin e Salianjit, i cili goditi tavolinën. Naço iu përgjigj duke i thënë se nuk frikësohet nga ky veprim.
Debatet:
Nasip Naco: Ja kam dhënë fjalën zonjës për ta pyetur
Ervin Salianji: Respektoni rregulloren dhe na jepni fjalën
Nasip Naço: Seanca është me dyer të mbyllura
Ervin Salianji: Do shpjegon votën time kundër (Godet me grusht tavolinën)
Nasip Naco: Ti kujton se më lëviz ndonjë qerpik! E më frikëson mua!
Ervin Salianji: Po ti kujton se…po mirë nuk ke për të bërë mbledhje, shko bëjë në një sallë tjetër. Me kë talleni ju.
Nasip Naço: 5 minuta pushim, seanca do vazhdoje më ata që kanë certifikatë sigurie, kush nuk ka të largohet nga salla.
