Komisioni i Disiplinës dhe Etikës së FSHF ka gjobitur me 600.000 Lekë “KF Tirana”.
“KF Tirana, për sjellje të gabuar të spektatorëve, dëmtimin e mjediseve sportive, hedhjen e sendeve në terrenin sportiv duke shkaktuar ndërprerje të përkohshme të lojës dhe shfaqjen e banderolave homofobike, në bazë të nenit 5 të statutit të FSHF dhe neneve 65/1, 65/3/a, 65/3/c dhe 65/3/f të KDS, dënohet me gjobë në masën 600.000 (gjashtëqind mijë) lekë. KF Tirana, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve”, thuhet në njoftim.
Ndërkohë, Komisioni i Displinës dhe Etikës, ka dënuar me 2 ndeshje pezullim nga aktiviteti zyrtarin e KF Tirana, Tofik Osmani.
“Zyrtari i KF Tirana, Tofik Osmani, për provokim të publikut, në bazë të nenit 52/1 të KDS, dënohet me 2 (dy) ndeshje pezullim nga aktiviteti”, thuhet në njoftim.
