Shqipëria dhe Letonia janë përballur gjashtë herë në histori. Sfida e të martës në ‘Air Albania’ do jetë e shtata mes tyre, ndërsa skuadrat nuk kanë asnjë fitore. Vetëm gjashtë barazime në përballjet mes tyre.
Në gjashtë takime kundër Letonisë, Kombëtarja jonë ka siguruar gjashtë barazime. Dueli i fundit mes palëve daton më 10 qershor 2025 në Riga për Grupin K kualifikues të Kupës së Botës, i cili përfundoi 1-1.
Ndërkohë, në konferencën që pati pasditen e së hënës trajneri i Kombëtares së Shqipërisë, Sylvinho së bashku me kapitenin Berat Gjimshiti u shprehën se në ndeshjen e së martës skuadra do të mobilizohet 100% për të marr një fitore që është e rëndësishme për kualifikimin.
