Pasi Kolegji Zgjedhor për anikimimet për zgjedhjet e 25 prillit vendosi që të rrëzojë kërkesën e PD-së për qarkun e Fierit, ka reaguar përfaqësuesi ligjor i Partisë Demokratike, Marash Logu.
Në një dalje për mediat, Marash Logu tha se këto vendime janë të paprecedent dhe në kundërshtim me ligjin zgjedhor në Shqipëri.
Më tej, Logu tha se PD nuk do të dorëzohet, por po përgatit një strategji ligjore që do të ndiqet në Gjykatën Kushtetuese dhe në Gjykatën e Strasburgut.
‘Këto vendime janë të paprecedent dhe në kundërshtim flagrant me ligjin zgjedhor në Shqipëri. Ne e dimë se kush ka qenë prapa këtyre vendimeve. Ka shumë qytetar që na pyesin kush është i frikësuar nga masakra e 25 prillit, kush është dora e zezë që mbyll gojën e përgjigja është një dhe e vetme është Edi Rama. Ky është i interesuar për të shuar çdo hapësirë lirie. Ne do t’i shkojmë deri në fund, demokratët nuk dorëzohen dhe në do ta vazhdojmë deri në fund betejën për zbardhjen e masakrës së 25 prillit. Do përdorim çdo mjet do përgatisim strategjinë ligjore që do të ndjekim në Gjykatën Kushtetuese dhe në gjykatën e Strasburgu”, thotë Logut.
Më herët, Kolegji Zgjedhor ka rrëzuar padinë e Partisë Demokratike dhe Lëvizjes Socialiste për Integrim për shpalljen e pavlefshme të zgjedhjeve në Qarkun e Fierit./Opinion.al
