Ish deputeti i Partisë Socialiste, dhe tashme kreu i partisë “Zgjidhja”, i ftuar në emisionin “Kjo javë” në Neës 24, ka folur për zgjedhjet si edhe për bojkotin që ai bëri thirrje gjatë fushatës. Kokëdhima u shpreh se këto zgjedhje ishin pa asnjë standard, dhe vijoi më tej duke akuzuar qeverinë për blerje masive të votave.
Por i ndalur në mandatet e Ramës, ai tha se PS nuk do të qeveris e vetme por së bashku me PD-në. “Sigurisht Rama mund të ndihet më komfort, por mund të ndihet edhe keq, pasi në këto zgjedhje luajtën rol blerjet e votave. Edhe pse me 74 mandate, PS nuk do qeverisë e vetme, pasi shumica e tillë duket sikur prodhon një stabilitet, por është një stabilitet i rremë. Këto zgjedhje nuk i kanë kuruar plagët e Shqipërisë, as plagët e zgjedhjeve, as plagët e ekonomisë, por vetëm sa i kanë mbuluar ato. Unë nuk pres që këto zgjedhje të prodhojnë stabilitet në qeveri. Këto janë zgjedhje të kontestuara dhe të anatemuara”- u shpreh Kokëdhima
