Deputeti socialist, Koço Kokëdhima ishte këtë të mërkurë i pranishëm në seancën e zhvilluar në Gjykatën Kushtetuese për mbarimin e mandatit të tij parlamentar, i shoqëruar edhe nga një pjesë e mirë e grupit parlamentar të PS-së.
Pas mbarimit të seancës, Kokëdhima u shpreh për mediat se ishte i gatshëm dhe kishte besim të plotë se Kushtetuesja do të merrte vendimin e duhur në lidhje me mandatin e tij, ndërkohë që, teksa u pyet edhe në lidhje me zgjedhjet për Sekretarin e Përgjithshëm të Partisë Socialiste, ai u shpreh se nuk e ka pasur në mendje, nuk e ka dhe nuk do të garojë ndonjëherë për këtë post, as nuk ka për të qenë ndonjëherë sfidues i kreut të grupit parlamentar, Gramoz Ruçi, pavarësisht dallimeve që mund të kenë për çështje të ndryshme.
Deklarata u bë pak ditë para zhvillimit të zgjedhjeve për sekretarin e Përgjithshëm të PS-së.
