Ministrja e Drejtësisë, Etlida Gjonaj ka reaguar pas padisë së ngritur ndaj saj dhe dy zyrtarëve të tjerë nga Presidenti Meta në SPAK ditën e sotme.
Ajo shkruan në Twitter se do ti përgjigjet në rrugë institucionale presidentit dhe e akuzon atë për dhunë verbale.
Gjonaj shton gjithashtu se është e rëndësishme që Presidenti i jep rëndësi institucioneve të reja të krijuara nga Reforma në Drejtësi dhe se pret prej tij të njohë vendimet e tyre kur të goditen edhe ato që ajo i quan “shenjat e njohura botërisht si njolla të Shqipërisë”.
“Sikur të mos i mjaftonte politika e dëshpëruar e dhunës verbale, sot Kreu i Shtetit ka gjetur kohën të paraqitet personalisht me të gjithë stafin e tij në zyrën e sekretarisë të SPAK, për të dorëzuar një kallëzim penal ndaj meje dhe stafit tim. Në respekt të Kushtetutës dhe pozicionit tim zyrtar me Presidentin, reagimi im do jetë institucional kundrejt akteve të tij. E siguroj se jam gati t’i përgjigjem jo vetëm SPAK-ut ligjërisht po dhe atij vetë publikisht, institucionalisht dhe ligjërisht, me kulturë dhe etikë. Pavarësisht absurditetit të kësaj historie, mbetet me rëndësi që Presidenti ka bërë hapin e duhur, njohjen e institucioneve e reja të Reformës në Drejtësi të cilën ai u lodh aq shumë duke e luftuar dhe përbaltur atë dhe cilindo që punon me të, shqiptarë dhe ndërkombëtarë. Shpresoj që të pranojë punën e tyre edhe ditën kur drejtësia e re dhe SPAK të filloj të godasë në shenjat e njohura botërisht si njolla të Shqipërisë, politikanë dhe zyrtarë të lartë të njohur për korrupsionin dhe krimet e tyre në këtë vend. Koha që drejtësia të veprojë!”, shkruan ministrja e Drejtësisë, Etilda Gjonaj. /Opinion.al
2. Në respekt të Kushtetutës dhe pozicionit tim zyrtar me Presidentin, reagimi im do jetë institucional kundrejt akteve të tij. E siguroj se jam gati t’i përgjigjem jo vetëm SPAK-ut ligjërisht po dhe atij vetë publikisht, institucionalisht dhe ligjërisht, me kulturë dhe etikë.
— Etilda Gjonaj (@GjonajEtilda) February 24, 2020
4. Shpresoj që të pranojë punën e tyre edhe ditën kur drejtësia e re dhe SPAK të filloj të godasë në shenjat e njohura botërisht si njolla të Shqipërisë, politikanë dhe zyrtarë të lartë të njohur për korrupsionin dhe krimet e tyre në këtë vend. Koha që drejtësia të veprojë!
— Etilda Gjonaj (@GjonajEtilda) February 24, 2020
